Ulvik herad vart i 2020 ein BTI-kommune som skal ha fokus på betre samhandling for barn og unge i dei kommunale tenestene. Ordninga er forpliktande og sikrar heilskapleg og tverrfagleg samhandling i arbeidet med barn og unge. Gjennom tidleg innsats og betre samhandling kan fleire familiar få rett hjelp til rett tid.
For å sikre samhandlinga på tvers av tenestene i kommunen har kommunen innført BTI modellen (Betre Tverrfagleg Innsats). BTI er ein rettleiar som skal bidra til tidleg innsats og samordna tenester for barn og unge, og føresette – utan oppfølgingsbrot.
Ulvik herad har følgjande kommunale føringar for det arbeidet dei ulike tenestene i kommunen skal gjere i sitt arbeid med barn og unge:
Handlingsplanar
Kommunale styringsdokument som legg føringar for heradet sine tenester. Heradet sine planar vert basert på regionale og lokale forhold, men vert styrt av statlege føringar.
Kommunal planstrategi 2019-2023
Kommuneplan samfunnsdelen 2009 – 2020 (ny plan under arbeid)
Helse- og omsorgsplan Kommunedelplan 2013-2040 Ulvik herad
Handlingsplan ved vald og seksuelle overgrep mot barn og unge, gjeldande for Ulvik herad 2018-2020
Budsjett og økonomiplan
Budsjett og økonomiplan inneheld heradet sitt årsbudsjett og økonomiplan, samt måla Ulvik herad skal arbeida mot over ein fireårsperiode.
Rapportar
Heradet gjennomfører kvart tredje år Ungdata undersøking. Dette er ei lokal ungdomsundersøking som vert tilbydd gratis til alle kommunar og fylkeskommunar i landet. Sidan 2010 har 439 200 ungdommar frå 405 kommunar og frå Svalbard delteke i denne undersøkelsen. Ungdata gjer dermed eit godt innblikk i korleis det er å vera ung i Norge i dag.
KoRus bistår kommunane i sin region med planlegging av undersøkinga, utforming av spørjeskjema og rettleiing om gjennomføringa. KoRus kan også, etter avtale, delta i den lokale drøftinga av resultata frå undersøkinga.
Sjå resultata frå siste Ungdataundersøkinga i Ulvik herad.